എഴുതുന്നത് അബ്ദുൽ റസാക്ക് ആകുമ്പോഴും 'യുഗാരംഭം' അദ്ദേഹത്തിന്റെ മാത്രം പുസ്തകമല്ല. ലക്ഷക്കണക്കിന് ഇന്ത്യൻ ഫുട്ബോൾ പ്രേമികൾ ദിനേന കിനാവ് കാണുന്ന വന്യമായ സങ്കല്പങ്ങളാണ് കഥയെ മുന്നോട്ടു നയിക്കുന്നത്. ഒരിക്കലും നടക്കില്ല എന്ന് യാഥാർഥ്യബോധം നമ്മെ പഠിപ്പിക്കുമ്പോഴും, ബാക്കിയാകുന്ന ഒരിറ്റ് പ്രതീക്ഷയുടെ വെളിച്ചം. ആ വെളിച്ചം വഴിനടത്തുന്ന അതിമനോഹരമായ ഭാവനാലോകം. അത് ഇന്ത്യൻ ഫുട്ബോളിനെ ഇഷ്ടപ്പെടുന്ന ഓരോ വായനക്കാരന്റേതുമാണ്. ആ അർത്ഥത്തിൽ ഇത് വായനക്കാരന്റെ കൂടി കഥയാണ്. അയാളുടെ കൂടി പുസ്തകമാണ്.
എഴുത്തുകാരൻ ഒരു മായാലോകത്തിന്റെ പണി പൂർത്തിയാക്കി വെച്ചിരിക്കുന്നു. അതിലേക്ക് നിങ്ങളെ കൂടി സ്വാഗതം ചെയ്യുന്നു. വായനയിലൂടെ ആ ലോകത്തെ അനുഭവിക്കാൻ നിങ്ങളും കൂടി എത്തുമ്പോഴാണ് സാഫല്യത്തിന്റെ രുചി നാവിലറിയുന്നത്. 'യുഗാരംഭ'ത്തിന്റെ കോപ്പി നിങ്ങളെ കാത്തിരിക്കുന്നു. ഇന്ന് തന്നെ സ്വന്തമാക്കൂ.